گئجه دیر

آی یئرینه

گوزلرینده گوزوم چیخیر

گورورم

بیر قیز گوزاربندا

نئچه مین دووار

سوز

....

گورورم

آغیر آغیردوداغیندان دولو  یاغیر

دئییر

انسانلیغا شاختا گلیب

گوزلرین سیخیر

وارلیغی آجی یاش

اومودسوزلوق

بیر دونیا آیریلیق اوره یینده کولگه له نیب

اللری

اللرین یومور

اسیر

دئییر

هله گونشده ن نه خبر

دالیجا دولانان یییه سیز انتر کولگه سی ده

گوزلری تک یومولور

 سیخیلیر

بو داشلیقدا

اخ

گونش

نه گون اغلایا بیلر..

گئجه...

گئجه نین گوزونده 

یولا دوشن آجی بیر سوکوت

باش سیز قارا کلف

اوزاقلاردا گولن کور یاغیش

آی سیز سینیق گوزگو

تای سیز دیش آغریریسی گوزلرده

آیاق اوسته اوتوران نفرت

 شه هره باخیر..

 انیدی سه

آجیلیق ایچینده

گوزه گلمز بیر کوره ک اوره ک دم له ییرم

بیلیرم

قیناماغا یئر یوخ

فقط دئیرم سحر یئرینه سن گل

   کیمسه هر نه جهنم دارتیر دارتسین

هئچ سوزوم یوخ

آه

گوزگو لرده بیلدیگیم

سنه باخیر...